Gipahinumdoman sa City Social Welfare and Development ang publiko sa kamahinungdanon sa paghatag og saktong kalmado ug mga pulong sa kadasig sa mga tawong dunay suicidal attempts samtang naghulat sa abag sa mga responder sama sa 911.
Namahayag si Local Disaster Risk Reduction and Management Officer II AU Tangcalagan nga kinahanglan lain ang motawag sa mga otoridad aron dili mabalaka ang biktima samtang laing tawo usab ang modasig kaniya.
Nasayran usab nga ang ahensya adunay mga gibansay nga kawani ilalom sa ilang disaster management unit aron mohatag og psychological first aid ug libre nga counseling sa mga indibidwal nga nawad-an og paglaom.
Gawas niini, dakong tabang ang pagkahibalo sa saktong pamaagi sa pag-atiman aron malikayan ang dugang dimalas ug mahatagan og saktong giya ang mga biktima sa maong krisis.-
