Usa ka dakong pahinumdom o wake-up call sa mga otoridad sa tunghaan ug lokal nga panggamhanan ang sunod-sunod nga shooting incidents sulod sa mga tunghaan sa nasud aron masiguro ang proteksyon sa mga bata.
Mao kini ang pahayag ni Professor Christopher Ryan Maboloc sa Ateneo de Davao University, isip panawagan sa dakong panginahanglan sa pag-review ug hugot nga pagpatuman sa mga sumbanan sa seguridad sulod sa tanang tunghaan sa nasud.
Gipasabot niya nga nagkinahanglan og estrikto nga pag-inspeksyon sa mga bag ug obligadong pagsuot sa identification card aron malikayan ang bisan unsang dautan sa sulod sa campus.
Segun sa mga nahitabo ug sa mitumaw nga kaguol ug kahadlok sa mga estudyante, gihangyo ni Maboloc ang mga ginikanan nga mutabang gihapon sa pagproteher sa kaluwasan sa tanan.
