Delikado nga mawad-an sa propesyonal nga lisensya ang usa ka police captain ug police corporal sa Cagayan de Oro human giakusahan kini sa pagpanghimaraut o sexual harassment batok sa duha ka criminology interns.
Sumala sa Professional Criminologists Association of the Philippines (PCAP) President Dr. Gerry J. Caño, nagpahigayon na og lawom nga imbestigasyon ang buhatan uban sa legal team aron pormal nga mapasakaan og kasong administratibo ug legal ang duha ka suspetsado nga sakop sa COCPO PS-7 Bulua.
Gipasabot ni Dr. Caño nga ang PRC license usa ka pribilehiyo ug dili katungod, busa mahimo kining mapapas kung mapamatud-ang nakalapas ang usa ka propesyonal sa ethical code of conduct.
Gitataw usab nga subay sa maong lagda, adunay mga propesyonal nga natanggalan na og lisensya kaniadto tungod sa pagkalambigit sa mga binuhatan nga supak sa balaod.
