Gikumpirma ni PRO‑10 Spokesperson Police Major Joann Navarro nga nareliebo na sa ilang posisyon ang duha ka personahe sa PNP — usa ka opisyal ug usa ka korporal — human giingong nalambigit sa kasong sexual assault batok sa 2 ka criminology interns sa ilang station.
Gibutyag usab ni Navarro nga gibalhin ang duha sa City Holding and Accounting Section sa COCPO ug nadisarmahan na samtang nagpadayon ang imbestigasyon.
Samtang gikatakda nga mokuha og pahayag ang Women and Children Protection Desk gikan sa mga biktima nga nagtrabaho isip mga babaing intern.
Sa katapusan, gipasalig ni Navarro nga dili gyud tolerahon sa PRO‑10 ang maong binuhatan subay sa higpit nga direktiba ni Police Brigadier General Aaron Mandia.
