Nasakmit sa pambato sa Pilipinas nga si Asia Rose Simpson ang kadaugan sa rehiyon sa Asia ug Oceania alang sa Head-to-Head Challenge sa Miss World diin direktang nasikbit niini ang iyang pwesto sa Top 40.
Gipadayag sa Miss World Philippines Organization ang ilang kalipay sa maong kalampusan tungod sa gipakita ni Simpson nga kusog nga tingog ug mabulukong adbokasiya atol sa indigay.
Gipasidunggan si Simpson tungod sa iyang pagtubag sa pangutana mahitungod sa pagpanalipod sa kultura ug tradisyon sa modernong panahon diin gihatagan niya og gibug-aton ang importansya sa paghinumdom sa gigikanan ug espiritu sa bayanihan.
Dihang gipahibalo ang iyang kadaugan, gipadayag sa dalaga ang iyang kinasingkasing nga pasalamat sa tanang suporta ug gisaad nga gamiton niya ang maong entablado aron maghatag og inspirasyon.
Gikatakda nga padayonon ni Simpson ang iyang panaw alang sa korona sa grand finale sa Miss World sa Vietnam.
