Gipasidaan ni Department of Agriculture Region 10 Regional Executive Director Jose Apollo Pacamalan nga moabot sa 92,000 ka ektarya nga yuta sa agrikultura sa rehiyon ang posibleng maapektohan tungod sa kakulang sa tubig kon manukad na ang hulaw.
Gumikan sa maong hulga, gikahadlokan sa buhatan ang posibilidad nga madaot ang abot sa humay nga gidisenyo unta alang sa 190 hangtod 200 ka adlaw nga suplay sa pagkaon sa tibuok Amihanang Mindanao.
Tungod niini, gipahayag sa opisyal nga mahimong mosulod ang pagpalit og imported nga bugas gikan sa gawas sa nasud aron mapugngan ang pagtaas sa presyo sa merkado.
Isip pagpangandam, gidasig usab sa buhatan ang pagtanom una og ubang pagkaon sama sa kamote nga nagkantidad lang og 10 hangtod 15 pesos matag kilo aron adunay pamatigayon ang mga tawo panahon sa krisis.
