Giawhag karon sa PAGASA ang katawhan nga magsugod na sa pagdaginot sa tubig ug kuryente agi’g pagpangandam sa hulaw o El Niño nga masinatian sa ulahing quarter sa tuig 2026 hangtod sa unang quarter sa tuig 2027.
Mismo si Mindanao-PAGASA Regional Services Division Weather Services Chief Anianita R. Fortich ang nagpadayag nga dako kaayo og matabang ang ordinaryong mga tawo pinaagi sa pag-matngon sa paggamit sa tubig ug pagtigom sa tubig-ulan nga dili usab mapuy-an og lamok aron malikayan ang dengue.
Dugang pa sa opisyal nga angay usab kunhoran ang kasagaran sa pagligo ug siguraduhon nga naka off ang mga kuryente nga wala gigamit aron dili magkulang ang suplay.
Sa katapusan, gisaysay ni Fortich nga mas maayong mag-unang mag-amping ang matag usa tungod kay mahal na ang bayad sa matag kilowatt hour sa kurente ug aron malikayan ang pag-rationing sa kuryente sa umaabot nga mga adlaw.-
