Nagpasidaan na daan ang kagamhanang lokal sa posibilidad nga magka signal jamming sa pipila ka bahin sa syudad karong adlawa alang sa mga dagkong kalihokan sa pista.
Nagpahayag si City Information Officer Jade Adeser sa Bombo Radyo nga granular o limitado lamang sa mga rota nga agian sa parada ug pipila ka oras ang maong signal interruption kung maaprobahan na sa National Telecommunications Commission o NTC ang ilang request.
Dugang pa sa opisyal, si Mayor Klarex Uy mismo ang nagpakita sa pag-uyon pinaagi sa pagpirmag hangyo ngadto sa NTC aron masiguro ang seguridad sa tulo ka nahabilin nga mga importanteng kasaulogan.
Samtang gihulat pa ang opisyal nga tubag gikan sa nasudnong buhatan, gipasalig sa lokal nga kagamhanan nga ipahibalo dayon sa publiko ang pinal nga desisyon sa higayon nga kini maaprubahan.
