Gipasalig sa LGU Villanueva nga nakatuman sa tanang lokal nga rekisitos ug permiso ang operasyon sa Keim Hing Steel Corp sa Misamis Oriental.
Giklaro ni Israel Permi, Special Assistant to the Mayor, nga kumpleto ang planta sa mga balayranan, sanitation, health, building code, ECC, ug fire safety clearances sa lungsod.
Apan, gitin-aw sa opisyal nga wala silay katugbang nga kahimanan aron mapiho kung adunay mga peligroso o radioactive nga kemikal ang mga raw materials nga gigamit sa kompanya.
Subay niini, gitahod sa lokal nga kagamhanan ang pagpangusisa sa mga nasudnong ahensya sama sa NBI ug DTI kung adunay mga alegasyon nga kinahanglang imbestigahan.
