Nagpahimangno ang simbahan sa tanang mga matuuhon nga dili unta hikalimtan ang pagtambong sa banal nga misa ug ang pagsige og ampo taliwala sa nagapadayon nga pagsaulog sa kapistahan ni San Agustin.
Gipahayag kini ni Fr. Der John Faborada Social Communication Officer sa Archdiocese sa Cagayan de Oro diin gitin-aw niya nga usa kini ka pamaagi sa pagpakita og pagpasalamat sa mga grasya pinaagi sa pangamuyo sa patron nga si San Agustin.
Usa usab sa iyang gihangyo sa publiko mao ang paghimo sa maong santos nga ehemplo ug sumbanan sa pagpuyo sa tarong nga kristohanong kinabuhi bisan pa man sa mga kaagi ug kahuyang.
Gawas pa niana nanawagan usab ang opisyal sa tibuok katawhan nga magtinabangay sa pag-ampo alang sa dayon nga kalinaw ug pagkahiusa sa dakbayan ug sa tibuok nasud.-
