Giklaro sa kapulisan sa Cagayan de Oro nga walay kalabigitan ang tibuok nilang buhatan sa nahitabong pagpangmolestya sa duha ka police interns.
Gipahayag ni police major emilita simon, spokesperson sa cagayan de oro city police office o cocpo, nga giisip nilang usa ka dako nga pahimangno ug hagit ang maong hitabo alang sa kausaban sa mga bag-ong batch sa mga police interns aron dili na kini mautro.
Dugang pa sa opisyal, personal nga desisyon sa duha ka alagad sa balaod ang maong hiwi nga gawi hinungdan nga gipahawa dayon sila sa ilang pwesto aron direktang moatubang sa kasong administratibo ug kriminal.
Labaw pa niini, gipasalig hinuon sa pamunoan nga magpabilin silang matinudanon sa ilang katungdanan ug ipadayon ang paghatag og maayong ehemplo sa mga mosunod pa nga mga sakop.-
