Bisan pa man sa pagbalik ni Prinsipe Harry uban sa iyang pamilya ngadto sa United Kingdom, gipadayag ni Bombo Senior International News Correspondent sa UK nga si Bombo Dolly Ilogon nga nagpabilin nga suko si Prinsipe William tungod sa wala pagpahibalo sa maong plano.
Nasakitan matud pa ang magtiayong William ug Catherine sa gihimong pagpakaulaw ug pagpanaway nila ni Prinsipe Harry ug sa asawa niining si Meghan Markle sa Royal Family pinaagi sa mga interview, libro, ug dokumentaryo samtang didto pa sila sa Amerika.
Tungod niini, walay bisan unsang plano ang sunod nga mahimong hari nga makig-storya o makig-uli sa iyang igsoon.
Gumikan sa maong sitwasyon, mas pilion na lamang karon sa prinsipe nga magpokus sa iyang kaugalingong pamilya ug sa pagpadayon sa iyang mga opisyal nga responsibilidad sa royal family.
