Posibleng mahimong trojan horse sa impeachment trial ni Bise Presidente Sara Duterte ang pagpaatubang sa iyahang security head nga si Col. Raymund Dante Lachica.
Sumala ni kanhi Bayan Muna Partylist Representative Atty. Kaloi Zarate, si Lachica ug ang Bise Presidente ra ang duha ka tawong nakahibalo sa tinuod nga agianan sa lima ka gatos ka milyon ka pesos nga confidential funds.
Tungod niini, gilauman nga ipatawag sa mga senador isip testigo ang maong opisyal aron matugkaran ang tinuod nga istorya sa paggasto sa maong kwarta.
Subay niini, gipahimangnoan sa abogado ang lungsod nga dili basta-basta motuo sa mga liquidation receipt nga gipangalan sa mga kwestyonableng tawong sama nina Mary Grace Piattos ug Andy Lim aron masiguro ang kaangayan ug hustisya
