Gisaway ni Professional Criminologists Association of the Philippines President Dr. Gerry J. Caño ang sobra sa usa ka dekada nga kapakyas sa panggamhanan sa pagpatuman og seryoso ug konkretong security plan taliwala sa nagapadayong mga insidente sa pagpamusil ug pagpangdunggab sa mga tunghaan sa nasud.
Subay sa iyang pamahayag, gipasagdan ra sa Department of Education ug Commission on Higher Education ang mga estudyante pinaagi sa pagpabilin nga walay igong seguridad sa mga eskwelahan.
Dugang pa sa maong kriminolohista, dakong katingalahan nga adunay mga security guard ang mga bangko ug shopping mall samtang nagpabilin lang nga bulnerable ug walay siguro nga proteksyon ang mga pampubliko ug pribadong tunghaan sa nasud.
Gumikan niining dakong kahuyang sa sistema, nanawagan ang opisyal sa panggamhanan nga lihokon ug hatagan na sa gilayon og tinuod nga proteksyon ang mga magtutungha batok sa nagkalainlaing hulga sa sulod sa eskwelahan.-
