Gihagit sa Kabataan Partylist pinaagi ni Cobbie Jan Canda ang mga magbabalaod nga usbon ang prayoridad ug ipondo ang kwarta sa katawhan karong budget season sa edukasyon, panlawas, ug sweldo sa mga mamumuo.
Gipadayag sa batan-ong lider nga katingad-an ang paglaslas sa badyet sa agrikultura ug mga batakang serbisyo taliwala sa gilauman nga pagdako sa nasudnong badyet gikan sa 6.7 trillion pesos ngadto sa 7.2 trillion pesos.
Dugang pa sa opisyal, wala usab katarungan nga ibalik ang hapit 85 billion pesos nga pondo sa flood control projects sa DPWH samtang padagkoan pa ang badyet sa militar ug kapulisan.
Gumikan niini, nanawagan ang maong grupo nga dapat ilayo ang pondo sa nasud gikan sa mga ahensyang walay klarong transparency ug nalambigit pa sa paglapas sa mga tawhanong katungod.-
