Dako ang pagpasalamat sa lokal nga panggamhanan sa dakbayan sa Cagayan de Oro sa tanang nagkahiusa alang sa malampusong Higalaay Festival.
Sumala ni Acting City Information Officer Jade A. Adeser, lakip sa gipasalamatan ni Mayor Rolando “Klarex” Uy mao ang mga ahensya sa seguridad, business sector, transport groups, ug ang mga katawhan nga nakighiusa sa pagmentinar sa kahusay ug kalinaw sa kapistahan sa dakbayan.
Butyag ni Adeser, dako matud pa ang nahimong tabang sa pag-adjust sa oras sa mga parada sa kalsada ug sa suba aron malikayan ang pag-ulan ug kainit.
Gumikan niini, subay sa natapos nga kapistahan sa siyudad, giandam na sa buhatan ang paglingkod alang sa pag-review sa tanang estratehiya alang sa selebrasyon sa sunod tuig.
