Nahimong malinawon ug malampuson ang pagsaulog sa Higalaay Festival alang sa kapistahan ni Señor San Agustin, matud pa ni City Councilor Roger Abaday, Committee Chairman on Police, Fire, and Public Safety.
Kini nga kalampusan naggikan sa hingpit nga pagpakigtambayayong sa kapulisan, kasundalohan, Task Force Oro, CDRRMO, ug RTA aron mamentinar ang kahusay ug kalinaw sa dakbayan sa panahon sa pagsaulog sa kapistahan ug sa mga dagkong aktibidad.
Gitin-aw usab sa opisyal nga luyo sa pipila ka minor incidents—sama sa mga gi-report nga pagdasok sa mga bisita ug pipila ka nangalipong sa mga dapit nga daghan ang tawo—napanalipdan gihapon ang kasegurohan sa kadaghanan.
Gumikan niini, giisip sa chairman nga usa ka dakong kadaugan ang tanang gihimong programa sa dakbayan tungod sa malinawon nga pagkahuman sa selebrasyon.
