Saktong pagpanubag alang sa mga biktima sa paglapas sa katungod sa tawo ang seryosong giduso karon sa pederasyon sa iDEFEND ngadto sa gobyerno.
Gipadayag ni iDEFEND Spokesperson Judy Pasimio sa iyang interbyu sa Bombo Radyo nga wala gayud nahuman ang krisis sa katungod sa tawo ug ang kawal-on sa hustisya bisan pa man sa pagkanaug sa kanhing administrasyon, nga labaw pang gipasamot sa nagapadayong problema sa pagbaha sa nasud.
Tungod niini, nanawagan ang maong pundok sa mga advocates ug organisasyon sa panggamhanan nga hatagan og tinuod nga katarungan ang katawhan ug tapuson na ang nagpadayong kapakyasan sa paghatag og hustisya sa katilingban.
