Gikasubo sa pederasyon sa iDEFEND ang kawal-on og kontrol sa pagbaha sa Metro Manila ug sa mga silingang dapit nga mas gipasamot pa sa mga kontrobersiyal ug anomalyosong flood control projects.
Gipadayag ni iDEFEND Spokesperson Judy Pasimio nga gawas sa korapsyon ug mga substandard nga proyekto sa Bulacan sama sa Meycauayan, Calumpit, ug Marilao, nakapagrabe usab ang padayon nga pagtukod sa airport ug ang Kaliwa Dam sa Sierra Madre.
Tungod sa maong sitwasyon, gidemanda karon sa maong advocates nga aksyonan ug panubagon ang maong mga anomaliya tungod kay naghatag kini og dakong hulga ug kalisod sa katawhan.
Aron dili mosangko sa mas dakong peligro, gihangyo sa grupo ang panggamhanan nga molihok na og sakto aron matagaan og tinuod nga solusyon ang problema sa pagbaha.
