Gipabuto sa usa ka opisyal sa militar sa Senate impeachment court nga giabusohan ug gigamit sa Department of Education o DepEd ang iyang gipagawas nga papel aron matabonan ang 15.54 million pesos nga confidential funds.
Gipadayag ni Armed Forces of the Philippines o AFP Colonel Magtanggol Panopio nga nakalitan gayud siya sa dihang nasayran kaniadtong Oktubre 17, 2024 nga ang gihatag niyang sertipikasyon alang sa Youth Leadership Summit gigamit na diay sa DepEd sa ilang liquidation sa Commission on Audit o COA.
Sumpay pa sa maong saksi nga gihimo lamang niya ang maong dokumento kaniadtong Disyembre 5, 2023 subay sa mando sa iyang komander ug pakig-coordinate kang dating DepEd Undersecretary Nolasco Mempin.
Gawas pa niana, gipasabot sa opisyal nga bahin ra sa iyang adlaw-adlaw nga trabaho sa civil-military operations ang paghatag og pormal nga katungdanan sa mga kaubang ahensya sa gobyerno ug walay bisan unsang bahin bahin sa kwarta.
Tungod niini, gipahayag ni Colonel Panopio nga wala gayud siya’y gihawiran nga impormasyon kon ngano nga giapil ang iyang gipagawas nga papel sa giingong ganti o reward sa maong confidential funds.Mao nga nagpabilin karong sentro sa imbestigasyon ang maong dokumento samtang gipaningkamutan sa korte nga mabuksan ang tinuod nga gipadulngan sa milyon-milyong salapi sa katawhan.-
