Pabilin nga giparalisa ug giisip nga illegal ang operasyon sa minahan sa Barangay Limonda sa lungsod sa Opol tungod sa kakuwang sa mga saktong permiso ug legal nga dokumento gikan sa kagamhanan.
Gikumpirma ni Task Force Kalikasan ug Kalinaw Head Rogelio Labor nga napadala na ngadto sa Department of Environment and Natural Resources o DENR Manila ang gihangyo nga mga papeles alang sa opisyal nga pagsusi sa nasudnong buhatan.
Gipasabot sa opisyal nga mabalik ra usab ang operasyon sa paggawas sa mga mineral kon maaprubahan kini sa DENR Secretary ug opisyal nga ideklarar sa Provincial Mining Regulatory Board isip Minahan ng Bayan
. Pinaagi sa maong lakang, gipahinumdoman ang tanang minero nga hugot nga sundon ang balaod ug ang hustong proseso sa gobyerno sa dili pa mopatuman og bisan unsang pagpanguha og likido ug mineral sa maong dapit.
