Dako nga pondo alang sa Mindanao ang dinalian nga gipangayo sa pederasyon sa MASA Sara Duterte Alliance o MASADA.
Nanawagan sa kagamhanan ang convenor sa maong grupo ug kanhi Undersecretary nga si Benito Ranque nga hatagan og mas dako nga pahat sa badyet ang isla aron matabangan ang ekonomiya sa nasud ug dili na lalisong pag-usab ang politika tungod sa kagamay sa pondo nga nadawat niini kaniadto.
Gipunting sa opisyal nga samtang 20 hangtod 30 ka bagyo ang mohapak sa Luzon kada tuig, talagsa ra kini mahitabo sa Mindanao nga naghatag karon og 17 percent sa gross domestic product ug bahandi sa nasud.
Pinaagi sa dugang pondo, gilauman sa grupo nga mas modako pa ang maong ambag ug opisyal nga mahimong pangunang sentro sa suplay sa pagkaon sa tibuok Pilipinas labi na sa panahon sa mga katalagman.
