Aron malikayan ang kalibog taliwala sa nagapadayong hisgotanan sa probisyon sa Saligang Batas nanawagan ang legal expert nga si Attorney Angel Lim nga sundon gyud ang tinawag nga Verba Legis o ang yano ug ordinaryong sabot sa mga pulong nga nakasulat sa atong batakang balaod.
Kini mao ang pagklaro nga ang kinahanglang quorum sa Senado nga 2/3 sa tanang miyembro nagpasabot gayud sa 16 gikan sa kinatibuk-ang 24 ka sakop sa Senado.
Sumala pa sa probisyon sa balaod, pabilin nga lakip sa ihap sa mga miyembro ang usa ka senador basta wala kini ma-expel, wala mamatay, ug wala usab mi-resign—bisan pa man kon kini napriso o nagtago-tago.
Gipasabot usab sa maong abogado nga kon dili gamiton ang saktong kahulogan sa pulong sa balaod, mamahimong peligroso kini tungod kay magkalain-lain na lamang ang mahimong pagsabot ug interpretasyon sa matag tawo.-
