Moabot na sa 34 hangtod 35 ka pesos ang bayad sa plete sa mga pampublikong jeep gikan sa Lumbia paingon sa syudad sa Cagayan de Oro sugod karong Lunes.
Kini ang gipasabot ni Lumbia Public Transport Cooperative o LPTC President Bong Arceo kabahin sa pagpatuman sa piso nga dugang pletehan nga giuyonan sa LTFRB tungod sa gilay-on nga labaw sa 14 kilometros sa maong ruta.
Dugang pa sa maong opisyal nga kinahanglang ipakita sa mga drayber ang bag-ong taripa gikan sa gobyerno aron walay mahitabong lalis tali sa mga drayber ug sumasakay.
Tungod niini, gipundok na sa maong kooperatiba ang mga gikinahanglang dokumento aron dali nga makakuha sa opisyal nga taripa nga ipapilit sa sulod sa mga sakyanan
