Kinahanglang adunay pormal nga injury o legal nga kadaot sa katungod sa dili pa makapangayo og aksyon sa Supreme Court kalabot sa 2/3 voting threshold sa impeachment trial ni Vice President Sara Duterte.
Gitin-aw sa legal expert nga si Attorney Samson So Tan nga ang Korte Suprema usa lamang ka trier of facts nga moresolba kon adunay tinuod nga injury nga nahitabo ug dili usa ka opinion giver.
Tungod niini, gisugyot sa abogado nga sa Department of Justice adto mangayo og legal nga giya kon wala pa’y pormal nga injury nga naangkon.
Dugang pa ni Tan, gihimo ang labaw nga korte aron hatagan og alibyo ang mga direktang naangkon og injury o naagrabyado nga partido ug dili aron sigehan og kuhit alang sa opinyon nga makabalda sa hukmanan.
