Giklaro ni Xavier University – Ateneo de Cagayan Social Involvement and Advocacy Program Director Nestor Mesias Banuag Jr. nga dili pag-atake sa usa ka pamilya o kolor sa politika ang Dapat
Isa Lang People’s Initiative.Gisugdan kagahapon ang relaunching sa nahisgotang inisyatiba aron mapasar ang tinuod nga balaod batok sa political dynasty pinaagi sa online signature campaign.
Sa dakbayan sa Cagayan de Oro, tinguha sa pundok nga makakalap og pirma gikan sa tulo ka porsyento sa mga rehistradong botante sa matag distrito.
Alang sa tibuok nasod, kinahanglan makatigom og 7.5 million nga mga pirma aron opisyal nga maduso ang giingong petisyon ngadto sa usa ka referendum.
