Gigamit na sa katawhan ang constitutional power pinaagi sa People’s Initiative aron tapuson ang pila na ka dekada nga pagpaka-bota-bungol sa gobyerno sa balaod batok sa political dynasty.
Gipahayag ni Xavier University – Ateneo de Cagayan SIAP Director Nestor Mesias Banuag Jr. nga dili na angay magpakahilom ang publiko samtang nagpabilin nga nakatanday ug pending ang nahisgotang balaodnon sa Kongreso.
Pinaagi sa Dapat Isa Lang Initiative, iduso sa mga lungsuranon ang pagdili sa kabanay hangtod sa ikaupat nga grado kon itandi sa ginaduso sa lehislatura nga kutob ra sa ikaduhang grado.
Gumikan niini, gidasig ang tanan nga suportahan ang online signature drive aron bungkagon ang absolutong gahum ug korapsyon sa panggobyerno.
