Dako ang paglaum sa grupong United People’s Initiative nga paboran sa Korte Suprema ang giduso nga urgent petition aron mapanalipdan ang sakto nga sukdanan sa boto sa impeachment trial batok kang Vice President Sara Duterte.
Sumala ni Legal Counsel Atty. Melchor Magdamo, aduna gihapoy mga huwes sa kinatas-ang korte nga mopatuman sa hustisya ug dili magpa-impluwensya sa politika.
Gitin-aw usab sa abogado nga sa kinatibuk-ang 15 ka sakop sa korte, lagmit mosaka ang presyur taliwala sa gikatakdang pagretiro ni Chief Justice Alexander Gesmundo.
Tungod niini, gipahayag sa grupo ang dako nga pagsalig nga may mga huwes nga mobotar batok sa bisan unsang pagbaliko sa balaod aron mapugngan ang pagpang-abuso sa gahum.
