Gipunting ni YouthSync Northern Mindanao member Kyle Chester Cotacte nga ang impeachment process batok kang Vice President Sara Duterte dili lang kay basta isyung politikal kon dili usa gyud ka gut issue nga naghisgot sa hustisya ug kwarta sa lungsod.
Gitin-aw sa lider sa mga batan-on nga importanteng makahibalo ug makasabot ang kabatan-onan alang sa pagpangandam sa election 2028 aron makahatag og igong panahon sa paglimpyo ug pagtimbang sa saktong desisyon.
Nasinati sa gipahigayon nga youth forum sa Xavier University nga daghan sa mga batan-on sa dakbayan sa Cagayan de Oro ang nakasabot ug nagpakabana sa seryosong pangutana sa nasod.
Tungod niini, naglaum ang organisasyon sa mas maalamon ug husto nga desisyon sa mga botante sa pag-abot sa sunod nga eleksyon.
