Dako og epekto ang lalis sa politika ug mga kontrobersiya sa pondo sa pagsaka sa presyo sa mga palaliton diin naapektuhan ang pag-uswag sa ekonomiya sa nasod.
Gipasabot sa ekonomista nga si Prof. Jhon Louie Sabal sa Pag-barog Youth Forum sa Xavier University nga nagataliwala ang ekonomiya ug politika.
Gipadayag sa akademiko nga ang legal nga proseso sa impeachment ug mga isyu sa korapsyon nagkaon sa limitadong pondo sa gobyerno ug nagpaatras sa mga investor.
Aron dili masayang ang paningkamot sa pagpalambo sa nasod, gitin-aw sa eksperto nga kinahanglang tarongon ang pamaagi sa pagdumala aron dili mausik ang kwarta sa katawhan.
