Dinalian nga gipapanawagan sa grupo sa mga mamumuo ang pagtangtang sa Oil Deregulation Law ug ang pagpatuman sa 1,300 pesos nga insaktong suholan taliwala sa walay hunong nga pagtaas sa presyo sa lana karong panahona.
Gipadayag ni KADAMAY Secretary General Mimi Doringo nga kon matuod nga adunay kasingkasing ang mga negosyante, kinahanglang hunongon ang matag semana nga pagpasaka sa presyo sa petrolyo ug ipakita ang ka-transparent sa mga kinitaan.
Gisaway usab sa opisyal ang gobyerno tungod sa kawalay lihok taliwala sa mga saad samtang niabot na sa 105 dolyares matag baril ang presyo sa krudo.
Tungod sa nagkagrabe nga krisis, gitin-aw sa organisasyon nga ang ordinaryong katawhan ang nag-antos sa pagmahal sa mga palaliton ug pamasahe samtang padayong nagdako ang kita sa mga dagkong kompanya sa lana.
