Gikondena sa Kabataan Partylist ang wala pagdeklarar ni Bise Presidente Sara Duterte sa mga negosyo ug kabtangan nga giisip nga usa ka dakong kalapasan sa batakang balaod sa nasod.
Sumala ni Cobbie Jan Canda gikan sa maong grupo, usa ka klarong pag-abuso sa gahum ang pagpanag-iya og bahin sa mga negosyo nga adunay kontrata sa gobyerno tungod kay gidili kini ubos sa probisyon sa konstitusyon.
Gibutyag ni Canda nga milyon-milyong pesos ang nalambigit sa mga kompanya ug kan-anan, diin ang pagtago niini sa Statement of Assets, Liabilities, and Net Worth kun SALN giisip nga usa ka bug-at nga impeachable offense.
Gipahinumdom usab sa grupo ang publiko nga ang susamang pagtago sa kabtangan ang nahimong pangunang hinungdan sa pagtangtang kaniadto sa pwesto sa kanhi Chief Justice nga si Renato Corona.
