Timaan sa hapsay nga pagdumala ug maayong sistema ang pag-angkon sa LGU-CDO Human Resource Management Office sa Level 2 Bronze Award ubos sa PRIME-HRM o Program to Institutionalize Meritocracy and Excellence in Human Resource Management sa Civil Service Commission.
Gipadayag ni City Information Officer Jade Adeser nga nakadawat og 100% evaluation rating ang dakbayan tungod sa kahapsay sa recruitment, performance, ug welfare sa mga empleyado.
Gisaysay sa opisyal nga unang higayon sa kasaysayan sa dakbayan nga nakab-ot ang pambansang pasidungog ubos sa pagdumala ni Mayor Klarex Uy ug HRMO Officer Xsyclyn Faith “Kansai” B. Lumbatan.
Pinaagi sa gipahigayon nga “Parangal at Pasalamat” program sa CSC Region 10, gipamatud-an ang padayon nga kauswagan sa serbisyo ug pagtagad sa mga kawani sa City Hall.
