Gipasidaan sa Bureau of Fire Protection Cagayan de Oro pinaagi ni Chief Intelligence and Investigation Fire Inspector Mary Ranelie Ladrillo Salga ang mas taas nga risgo sa sunog sa mga panimalay tungod sa nagka-anam nga kainit sa panahon ug pag-abot sa El Niño.
Gihangyo sa opisyal ang publiko sa paglikay sa pagdaob duol sa mga balay nga hinimo sa light materials samtang gidid-an ang mga bata sa pagduwa og posporo, lighter, ug kandila.
Gihatagan usab og pagtagad sa buhatan ang pagsusi sa mga linyada sa kuryente ug Christmas lights ilabi na karong ber-months aron malikayan ang electrical ignition ug overloading sa panimalay.
Tungod sa gipahimutang nga hulga sa kalayo, gipahinumdoman ang mga pamilya sa pagtipig sa numero sa pinakaduol nga fire station alang sa paspas nga pagpangayo og tabang sa oras sa emerhensya.–
