Taliwala sa milabay nga saulog sa World Teachers’ Day, emosyonal nga nanawagan ang ekonomista ug kanhi Misamis Oriental Vice Governor Joey Pelaez sa pambansang pamunoan nga lihokon ug patas-an na dayon ang sweldo sa mga magtutudlo sa nasud.
Tungod niini, gipahayag sa kanhi opisyal nga dako ug bug-at ang sakripisyo sa mga maestra diin kadaghanan kanila napuno na sa utang taliwala sa lisud nga panginabuhi.
Gumikan niini, gipahinumdoman sa ekonomista ang gobyerno nga kapin sa nubenta porsyento sa mga magtutudlo sa Pilipinas kay mga babaye ug inahan nga adunay doble nga papel sa sulod sa tunghaan ug sa pamilya.
Labi na nga gidugang sa opisyal nga kinahanglan hatagan og sakto nga pagtagad ang kaayohan sa mga maestra aron mas makahatag sila og maayong tudlo ug pag-atiman sa mga kabataan sa nasud.–
