Gipangandoy ni Professional Regulatory Board of Criminology Member Dr. Lani Palmones nga mabag-o sa umaabot nga panahon ang requirement sa pagpaputol ug buhok sa mga babayeng police trainee.
Gipahayag sa opisyal nga ang pagpaputol og mubo kaayong buhok nakatala isip kabahin sa kasamtangang training procedure sa Philippine National Police o PNP.
Hinoon gitin-aw ni Palmones nga dili makatabang ug walay igong rason nga pagmukhaon og lalaki ang usa ka babaye pinaagi sa gupit aron lang mapamatud-an ang katakos sa pagbansay.
Dugang pa sa opisyal, nanghinaut ang buhatan nga magpatuman og mas makatawo ug mas angayan nga mga palisiya ang mga public safety agencies alang sa mga kababaihan.
