Gikinahanglan nga timbangon sa mga administrador sa eskwelahan ang kaayohan ug posibleng kadaot sa pagpahigayon og shooting drills, ilabina sa mga batang gagmay pa, sumala sa Professional Regulatory Board of Criminology.
Matod sa board member nga si Dr. Warren Corpuz, makatabang ang maong mga pagbansay sa pagpangandam, apan mahimo usab kini nga hinungdan sa trauma sa mga estudyante ug magtutudlo tungod sa pag-atubang sa hulagway sa posibleng trahedya.
Tungod niini, girekomendar nga mokonsulta ang mga administrador sa mga psychologist, psychiatrist, criminologist ug mga eksperto sa pagpatuman sa balaod ug kaluwasan sa publiko.
Giingon sa opisyal nga pinaagi sa konsultasyon, mas masuta kung ang maong pagbansay angay ba sa mga kabatan-onan o mahimong makahatag hinuon og mas dakong kabalaka ug trauma sa mga partisipante
