Nagpasidaan ang Save Bangsamoro Movement sa Malacañang nga magdala og dakong samok sa kalinaw sa Mindanao ang pagdali-dali ug pagpanghilabot sa pagpili sa mosunod nga Chief Minister sa BARMM.
Gitin-aw ni Save Bangsamoro Movement Convenor Datu Tokz Bin Abdurrahman nga pinaagi sa usa ka sulat, gihangyo sa pundok si Presidente Ferdinand Marcos Jr. nga tahuron ang sabot sa kalinaw ug suportahan si MILF Chairman ug Bangsamoro Parliament Member-elect Al-Hadj Murad Ebrahim alang sa pagporma og koalisyon sa parlamento.
Gitin-aw sa opisyal nga napamatud-ang napakyas ang nakalabay nga pagpanghilabot sa gobyerno tungod kay miresulta kini sa pagpahunong sa pag-surender sa 14 mil ka armas sa mga sakop sa MILF.
Dugang pa ni Abdulrahman, kinahanglang sundon ang saktong pamaagi ug dili laktawan ang mga namunoan aron dili masayang ang paningkamot alang sa kalinaw sa rehiyon.
