Gideklara sa Department of Budget and Management nga inoperative ang 2026 budget sa Misamis Oriental tungod sa nakitang legal ug teknikal nga kasaypanan sa pag-aprobar sa Sangguniang Panlalawigan.
Subay sa pahayag ni Special Assistant to the Governor Celso Abucejo, nakit-an sa DBM nga wala magtakdo ang gi-aprubahang 3.3 billion pesos nga pondo sa mga nakalinya nga gastuson ug Annual Investment Plan sa probinsya.
Gitin-aw sa opisyal nga tungod sa maong sitwasyon, gi-reenact ug gigamit sa lalawigan ang 2025 budget nga nagkantidad og 5.8 billion pesos sugod sa tunga-tunga sa Setyembre.
Gumikan niini, gipasalig sa administrasyon nga legal ug consummated na ang tanang pondo nga nagasto gikan sa Enero hangtod Setyembre alang sa mga batakang serbisyo.-
