Gipasidaan ni Sangguniang Panlalawigan Committee on Finance Chairman Romel Maslog nga sa gipatuman nga 2025 re-enacted budget sa Kapitolyo Probinsyal, mga batakang sweldo, statutory obligations, ug essential expenses lamang ang pwedeng magasto sa administrasyon.
Gitin-aw sa opisyal nga dili makapatuman og mga bag-ong proyekto ug programa ang lalawigan samtang wala pa’y opisyal nga corrective ordinance nga maaprubahan tali sa SP ug Ehekutibo.
Gipadayag usab sa lider nga dako nga hagit ang paggamit sa 5.8 billion pesos nga re-enacted budget tungod kay miabot lamang sa kapin 3 billion pesos o 56.41 percent ang actual income nga nakolekta niadtong tuig 2025.
Gumikan niini, gipasalig sa komite nga padayon nilang tun-an ang tanang suportang dokumento aron masiguro nga magpabilin ang lalawigan sa pagsunod sa pondo ug probisyon nga live within our means.
