Gibarugan ni kanhing Oro Chamber official Ray Talimio Jr. ang kapasidad sa dakbayan sa Cagayan de Oro nga makabayad sa gihangyo nga 8.5 billion pesos nga loan alang sa pagpalambo sa serbisyo.
Gitin-aw sa opisyal nga napamatud-an sa mga pagtuon sa Bureau of Local Government Finance kon BLGF nga dili mabug-atan ang panggamhanan sa debt servicing.
Gipamugos usab sa lider nga dako ang makuha nga kaayohan sa mga negosyante ug katawhan kon mabalhin ang City Hall sa mas lapad nga dapit nga adunay igong parkingan.
Subay niini, giisip sa opisyal nga usa ka maalamon nga lakang ang paghulam sa maong pondo alang sa kaugmaon sa dakbayan.
