Gisaway sa legal counsel sa DDS Sara All Confederation nga si Atty. Raymond Batu ang pagdali-dali sa prosecution panel nga i-drop ang tulo ka artikulo sa impeachment trial batok kay Bise Presidente Sara Duterte.
Gitin-aw sa abogado nga gihimo kini sa prosekyusyon aron mapahimuslan ang ilang gidaghanon sa mga senador nga makahimo sa pag-botar karong panahona.
Gipasidaan usab sa opisyal nga gihikawan sa maong pamaagi ang bahin sa depensa nga makapakita sa ilang mga ebidensya ug tubag sa mga akusasyon.
Tungod niini, gipahayag sa abogado nga kinahanglan unta nga magpagawas ug opisyal nga desisyon ang Impeachment Court nga gi-dismiss ang maong mga artikulo tungod sa kawala’y klarong ebidensya.
