Nakigkita si Cagayan de Oro City Mayor Rolando “Klarex” Uy sa mga personnel sa RTA aron pahinumdoman ang mga personnel sa giingong ilegal nga binuhatan sa pipila ka enforcers sa syudad.
Gihimo kini atol sa Dominggo nga orientasyon sa RTA aron pahinumdoman ang mga opisyal sa patas nga pagpatuman sa balaod sa dalan.
Gawas niini, gihatagan ug higayon ang mga nalambigit nga ihunong na ang pagdawat ug bayad pinaagi sa GCash ug uban pang ilegal nga pagpangulekta sa dalan.
Tungod niini, gitin-aw ni RTA Head Engr. Doy Ramiro nga dili itolerar sa buhatan ang pag-abuso ug giimbitar niini ang publiko nga mo-report sa opisina kung makasinati sa mga pasaway nga personahe.
