Gitin-aw ni House prosecutor Terry Ridon nga ang gibana-bana nga 1.5 bilyon ka piso nga matud pa undeclared wealth ni Vice President Sara Duterte ang nag-unang hinungdan kon ngano nga mipukos ang prosecution team sa usa na lamang ka artikulo sa impeachment.
Subay sa pagsusi ni forensic accounting expert Atty. Alexander Cabrera, giyagyag sa abogado nga moabot sa 817.87 milyon ka piso ang konserbatibong kantidad sa giingong unexplained wealth sa Bise Presidente.
Gawas niini, gipahayag ni Manila Representative Joel Chua nga dili kinahanglang mapamatud-an ang tanang artikulo tungod kay igo na ang usa aron makakuha og sentensya, samtang mas dali pa kini masabtan sa publiko ug makapadali sa impeachment trial.
Tungod niini, gipamugos ni House prosecution spokesperson Ace Barbers nga kapin sa duha ka tuig na nilang gihawiran ang paningkamot sa pagpanubag sa Bise Presidente, nga gipamatud-an sa mga testigo ug dokumento sa Impeachment Court.
