Iginiit ng dating Bayan Muna Representative na si Atty. Kaloi Zarate na kinakailangang magpakita ng malaking pangamba ang taumbayan sa isinagawang taktikal na hakbang ng prosecution panel.
Nilinaw ng abogado na sa naturang pag-drop sa tatlong artikulo laban kay VP Sara Duterte, isinakripisyo ng prosekusyon ang tunay na pagpapanagot sa paggamit ng pondo ng publiko.
Bukod dito, nagbabala ang lider na ginawa lamang ang naturang hakbang para sa kaginhawaan at upang mapabilis ang takbo ng kaso sa Impeachment Court.
Dahil dito, ipinahayag ng opisyal na napabayaan ang pagtatanggol sa kaban ng bansa at sa buwis ng mamamayan.
