Mius-os sa bag-ong record low ang kantidad sa piso batok sa US dollar, human mosira ang trading niadtong Huwebes, Oktubre 15, sa ₱63.06 kada $1.
Atol sa trading, miabot sa ₱63.15 kada dolyar ang palitanay, nga maoy labing ubos nga lebel nga naabot sa piso.
Nalabwan niini ang miaging record low nga ₱62.90 kada dolyar nga natala niadtong Oktubre 8.
Lakip sa mga hinungdan sa pagkaluya sa piso ang tensiyon sa Middle East, pagsaka sa presyo sa lana, ug mga kabalaka bahin sa inflation sa Estados Unidos.
Tungod niini, mahimong mosaka ang presyo sa mga imported nga produkto, lakip ang lana ug uban pang mga palaliton nga gikan sa gawas sa nasud. (jane abulag)
