Mipahungaw sa kasagmuyo ang aktress nga si Rica Peralejo kalabot sa bag‑ong requirement sa Bureau of Internal Revenue (BIR) nga nagmando sa mga content creator ug digital earners nga ipakita ang BIR Registration Seal Badge sa ilang online platforms.
Sa iyang social media post, gipadayag ni Rica nga nagbayad na siya sa buhis sukad sa edad nga 13 anyos ug gikuwestiyon niini kung nganong kinahanglan pa siyang mopamatuod sa iyang pagsunod sa obligasyon sa buhis pinaagi sa badge.
Gisulti ni Peralejo nga ang deadline sa pag‑paskil sa seal mao ang Oktubre 31 ug kini naghatag kaniya sa kabalaka.
Iyang gipamugos nga bisan pag-consistent siyang magbayad sa buwis hangtod sa edad nga 45, kinahanglan pa gihapon siyang magpakita sa ebidensya sa publiko.
Gani nalitok pa sa actress-vlogger nga “And all of this would have been ok if only hindi tayo ninanakawan,”.
