Gidakop sa mga kawani sa Philippine National Police (PNP) si Atty. Levito “Levi” Baligod ug uban pang 14 ka indibidwal tungod sa kasong Unjust Vexation didto sa San Juan City kagahapong adlawa.
Mahinumdoman nga si Atty. baligod ang abogado sa 18 ka mga nagpailang kanhi bodyguard ni Zaldy Cp ug nagdeliver matud pa sila og mga maletang dunay sulod nga salapi bahin sa daghang anomalyang flood control projects ug pipila pa ka government infrastructures.
Sumala sa korte, nagkantidad og P10,000 ang gitakdang piyansa sa matag kanila. Human sa maong panghitabo, si Atty. Baligod ug laing pang upat ka indibidwal kay nakagawas na human makapiyansa, samtang nagpabilin pa gihapon sa Prisohan sa San Juan Police Station ang 10 pa ka laing idnibidwal tungod kay wala pa nila maproseso ang ilang piyansa.
Dugtong niini, gipasalig usab sa kampo ni Baligod ang ilang buhaton ang tanang legal nga lakang aron atubangon ang mga kaso batok kanila. (Raniel Mahunyag)
