Nakabsan og kinabuhi ang tulo ka bata nga nag-edad og lima, walo ug 11 anyos, ug usa ka magtutudlo human sa pagpamusil sa Silver Rail Elementary School sa Bend, Oregon, didto sa Estados Unidos. Usa usab ka syete-anyos nga bata ug usa ka 54-anyos nga magtutudlo ang grabeng naangol ug gidala sa ospital nga anaa sa kritikal nga kahimtang.
Sumala sa mga otoridad, ang suspek usa ka 16-anyos nga lumulupyo sa Bend nga gipusil-patay sa usa ka sibilyan nga misunod kaniya sulod sa tulunghaan human makakita nga misulod siya sa maong pasilidad.
Padayon pang giimbestigahan sa kapulisan ang maong insidente, lakip ang posibleng motibo sa suspek.
Sumala sa mga datos, mao kini ang ika-36 nga insidente sa pagpamusil nga natala sa k-12 school grounds sa Estados Unidos karong tuiga. (raniel mahunyag)
