Gipahayag ni Maritime Security Analyst Raymond Powell nga duha ka tuig na ang milabay, adunay kasabutan tali sa Pilipinas ug Tsina aron i-decompress ang resupply missions sa Ayungin Shoal.
Sa exclusive interview sa BOMBO RADYO PHILIPPINES, miingon si Powell nga ang kasabutan wala gipagawas sa publiko ug kanunay nang gipangayo sa Tsina nga mangayo sa permiso ang Pilipinas sa dili pa moadto sa BRP Sierra Madre.
Matod ni Powell, dili kinahanglan nga mangayo og permiso ang Pilipinas kay katungod man kini sa iyang kaugalingong barko.
Tungod sa hilom nga kasabutan, nagpadayon ang kalibog ug panagbangi sa interpretasyon sa duha ka nasod.
Giingon usab sa experto nga kini nga fundamental nga dili pagsinabtanay sa soberanya ug operasyon sa dagat naghatag sa seryosong hagit sa seguridad.
Nagpasidaan si Powell nga magpadayon kini nga isyu ug mahimong hinungdan sa dugang tensiyon tali sa Pilipinas ug Tsina.
